Дали можам да подигнам пари со Diners Club картичката?
Да, Динерс Клуб им овозможува на своите членови да можат да подигнуваат и готовина.

Каде можам да подигнам пари во готово?
Во Македонија можете да подигнете готовина од банкоматите на НЛБ Тутунска банка и УниБанка, како и од експозитурите на Стопанска Банка АД Битола и ТТК Банка.

Подигнување готовина на рати – до три месечни рати

Банкомати на НЛБ Тутунска банка
Проверете ги локациите на банкоматите на линкот: http://www.nlbtb.com.mk/maps/

Подигнување готовина во Експозитурите на Стопанска Банка АД Битола до три месечни рати со Динерс Клуб Класик картичка и до шест месечни рати само со Динерс Клуб Аџибадем Систина картичка.

*При подигнување готовина на рати, ќе бидете задолжени за 5% провизија, 2% еднократен надоместок и 1,5% камата на месечно ниво од вкупниот износ определен за плаќање.
Висината на лимитот за подигнување готовина зависи од основниот лимит на корисникот на картичката, а таа е прикажана на Вашата сметка.

Информацијата за висината на лимитот за подигнување готовина достапна Ви е на:
- Сметкaта
- Со користење на СМС услугата
- Инфо Центар 15 155

Подигнување готовина во странство, на банкоматите (ATM) каде што има ознака на Diners Club и Pulse, како и на шалтерите на одредени банки. Провизијата за подигнување готовина до 50 евра изнесува 3 евра фиксно (дополнителен трошок: сопственикот на банкоматот може да пресмета дополнителна провизија, која најчесто изнесува плус 4%), а над овој износ провизијата изнесува 6% од износот (дополнителен трошок: сопственикот на банкоматот може да пресмета дополнителна провизија, која најчесто изнесува плус 4%). Кеш локатор за Динерс Клуб членовите низ целиот свет:
www.dinersclubcash.com

*За подигнување на готовина од банкомати, потребно е да го имате вашиот PIN CODE за кој е препорачливо да се чува одвоено од Динерс Клуб картичката и кој треба само Вие да го знаете.

Како се плаќа подигнувањето на готовината (кога се фактурира трошокот)?
Подигнувањето готовина се фактурира и се плаќа како секој друг трошок направен со Diners Club картичката.

Што е ПИН и за што служи?
ПИН е скратеница од персонален идентификациски број (Personal Identity Code). Овој број, кога е во прашање Diners Club картичката, служи ИСКЛУЧИВО за подигнување пари од банкоматите, при што го заменува потписот на корисникот на картичката.

Како се определува лимитот?
Почетниот лимит го одобрува комисија. Дали лимитот ќе расте или ќе опаѓа зависи од самиот член. Лимитот може да се зголеми или да се намали по барање на членот.

Колкав ми е расположливиот лимит?
Вашиот лимит можете да го дознаете со јавување во Контакт центарот на 15 155.

Дали лимитот може да се зголеми?
Со пополнување на соодветен формулар може да побарате зголемување на лимитот. За барањето одлучува Кредитниот одбор врз основа на кредитната историја на членот и други евентуални дополнителни проверки.

Извештаи за задолжување (сметки)

Кога ми се генерира сметката?
Генерирањето на сметките се извршува двапати месечно. Распоредот на генерирање сметки можете да го видите на следниов линк.

Кој е рокот за плаќање на сметките?
Рокот за плаќање, односно ДОСПЕВАЊЕТО на сметките, е назначен во горниот десен агол на сметката.

Што ако сметката ми пристигне по датумот на доспевање?
Пред да го отворите пликот, погледнете дали датумот од поштенскиот жиг се разликува од датумот што е отпечатен во адресниот простор. Ако се разликува, не отворајте го пликот. Само така можете да направите рекламација на работата на поштата. Доколку датумите се согласуваат, а поштата Ви пристигнала многу подоцна, морате да проверите во Вашата пошта каде бил застојот. Со пишан доказ (плик со доставен печат од пошта) Динерс Клуб ќе Ви ги сторнира каматите што произлегле од задоцнувањето.


Може ли да се добиваат сметките на е-пошта?
Да, пратете ја адресата на вашата е-пошта на info@diners.com.mk, со назнака дека во иднина би сакале сметките да ги добивате електронски. Службата за грижа на корисници ќе стапи во контакт со Вас.

Може ли сметката да ја добивам и по е-пошта и по пошта?
Оригинал не, но копија може.

Може ли сметката да ми ја пуштите по факс?
По барање на членот, копија од сметката може да се пушти по факс.

Може ли да се добие копија од сметка?
Да, на е-пошта или во печатена форма од салонот на Динерс Клуб во ГТЦ.

Можам ли да добијам аналитика за цела година?
Да.

Може ли некој друг да се информира за состојбата на мојата сметка?
Не, сите податоци за членот се деловна тајна. Само со писмено известување (полномошно), членот може да даде одобрение на дополнителниот член или на лицетo за контакт за да ја добие информацијата.

Според кој курс се пресметуваат трошоците направени во странство?
Пристигнатите трошоци од странство секој ден се конвертираат во денари по бруто-продажен курс на девизен пазар на НЛБ Тутунска банка од тековниот ден.